Pakistan meiPakistani Doctors vs WHO Rules | Kya Aap Ko Waqai Itni Dawaiyon Ki Zaroorat Hai?


 doctors mareezon ko check karne ke baad zyada dawaiyan likh kar dete hain, jab ke World Health Organization ke mutabiq aik beemar mareez ke liye do iqsam ki dawaiyan bohat hoti hain. Nazreen, research ki gayi hai Islamabad ki Health Services Academy ki janib se. Is research mein ye bataya gaya hai ke Pakistan ke zyadatar doctors mareezon ko chaar dawaiyan likh kar dete hain jab ke mareezon ki need itni nahi hoti. World Health Organization ke mutabiq aik mareez ko aam tor par ek se do iqsam ki dawaiyan chahiye hoti hain sehatyaab hone ke liye. Lekin Pakistan mein doctors ki janib se mareezon ko prescription par chaar iqsam ki dawaiyan likh kar di jati hain. Is ke ilawa is research mein yeh bhi bataya gaya hai ke Pakistan mein 100 mein se 45 patients ko antibiotics prescription par likh kar di jati hain aur unki itni zaroorat bhi nahi hoti WHO ke mutabiq. Doctors aesa kyun karte hain? Main koi doctor nahi hoon, main ne sirf aapko Health Services Academy Islamabad ki research ke bare mein bataya hai. Baqi aap bhi toh kabhi doctor ke paas gaye honge na? Aap mujhe batayiye kya doctor zyada dawaiyan likh kar dete hain jab ke zaroorat kam dawaiyon ki hoti hai? Shukriya.