Petrol Par 100 Rupay Fi Liter Relief, Registration Aur Token Ka Mukammal Tariqa

Pakistan mein petrol ki barhti qeematon ke baad hakoomat ne Wazir-e-Azam Fuel Relief Scheme shuru ki hai. Is scheme ke tehat ahel motorcycle, rickshaw, qingqi aur 800cc tak ki gariyon ke sarfeen ko petrol par 100 rupay fi liter relief diya ja raha hai.

Registration Kaise Karein?

Ahel sarif apna SMS 9771 par bhej kar registration kar sakte hain. Sarkari tariqay ke mutabiq SMS mein yeh details likhein:

REG (space) CNIC (space) Vehicle Number (space) Soobay Ka Pehla Harf (space) Vehicle Registration Date

Yeh sab likh kar 9771 par bhej dein.

Registration ke baad petrol lene se pehle TOK likh kar 9771 par SMS bhejne se fuel relief token hasil kiya ja sakta hai. Phir petrol pump par token number dikha kar riyaiti (discounted) petrol hasil kiya ja sakta hai.

ā›½ Kitna Relief Milega?

  • Motorcycle, Rickshaw aur Qingqi: Hafta-war (weekly) 500 rupay tak relief, yani 100 rupay fi liter ke hisaab se 5 liter ke barabar. Ab 5 liter se kam fuel lene walon ke liye bhi hafta-war 500 rupay ka token rakha gaya hai.
  • 800cc tak gariyan: Har 10 din mein 10 liter tak, yani 1,000 rupay tak relief.

Khushkhabri yeh hai ke registration SMS service ki fee bhi khatam kar di gayi hai.

Aham Baat: Yeh sahoolat makhsoos ahel sarfeen aur ghair-tijarati (non-commercial) istemal ke liye hai. Is liye SMS bhejne se pehle apni gari aur registration ki ahliyat zaroor check karein.