WW2 Ke Baad Russia Aur Germany Ek Baar Phir Aamne Samne

Kya Russia aur Germany ki jang hone wali hai? Russia aur Germany wo mulk hain jo madd-e-muqabil the World War 2 mein bhi. World War 2 ke natije mein 7 se 8 crore log maare gaye the. Nazareen ab Russia aur Germany ke darmiyan garmi barh rahi hai. Russia ki janib se Germany ke ek airport ko nishana banaya gaya hai. Jis ke natije mein NATO ne ye elaan kiya hai ke hum Germany ke sath khare hain, hum Russia ke sath jang karne ke liye tayyar hain. Yeh baat toh aap sabhi jante hain ke ek arse se Ukraine aur Russia ki jang jari hai. Ab Ukraine ka ek cargo jahaz Germany ke ek airport par khara hua tha. Russia ko jab yeh baat pata chali toh Russia ne ek barood se bhara hua drone Germany ke hi airport par bhijwa diya, Ukrainian jahaz par hamla karne ke liye. Nazareen yeh hamla kamyab toh na ho saka lekin hamlay ki koshish toh ki gayi na. Nazareen NATO ke andar maujood tamam mumalik ki janib se is hamlay ki mukhalifat ki gayi. Germany ki janib se apna consulate Russia mein band kar diya gaya aur Russia ne bhi apna consulate Germany mein band kar diya. Nazareen wese toh bohat si jangein ho rahi hain lekin yeh wali jo jang hai na Russia aur Germany wali, yeh jang bari khatarnak ho sakti hai. Kyunki duniya ki jo dusri aalmi jang hui thi jis ko World War 2 kaha jata hai, us jang mein bhi Russia aur Germany madd-e-muqabil the.